طالبان نظارتی آستیده بۉلگن، افغانستان احصاییه و معلومات ملی اداره‌سی تامانیدن نشر اېتیلگن معلومات اساسیده، قویاش ۱۴۰۳ – ییلی دلو آیی، مملکتده آزیق-آوقت، کییم-کیچک و اوی ایدیش‌لری کبی روزغار دستلبکی نرسه‌لرینی نرخی یوقاری کېتگن.
بو اداره تیکشیرووی اساسیده، مذکور آی ایچیده عمومی حالده آزیق –آوقت نرخی، ۳.۰ فایز کوتاریلگن که بو آره‌ده بوغدای و گوریچ نرخی ۵.۹ فایز، گوشت نرخی ۵.۴ فایز و شکر نرخی اېسه ۵.۲ فایز یوقاری کېتگن.
عینی حالده دلو آیی دوامیده، کییم-کیچک‌لر نرخی هم، ۵.۰ فایز همده اوی ایدیش‌لری نینگ نرخی هم ۳.۴ فایز کوتاریلگن.
کۉرینیشچه بو نرخ‌لر افغانستان مالی بازارلریده یوز بېرگن برقرارسیزلیکلر طفیلی اۉرته‌گه کېلگن.
دېیرلی احصاییه و معلومات اداره‌سی، افغانی پول‌گه نسبتن امریکالیک دالر، بهاسی هم دلو آیی ۷۱ دن ۷۴ گچه کوتاریلگنینی بیلدیریب، مذکور آی دوامیده افغانی پول نرخی جدی آیی‌گه نسبتن ۴.۴ فایز آزه‌یگنینی اعلام قیلدی.
