بیرلشکن ملتلر تشکیلاتی انسان حقلری کېنگشی نینگ نوبتده‌گی ییغینی دوامی‌ده، افغانستان‌ده دوام اېتیب تورگن انسان حقلری احوالی تیکشیریلدی.
بو ییغین‌ده قطار مملکتلر وکیللری، افغانستان‌ده دوامی بۉلگن انسان حقلری احوالی آغیر بۉلگنیدن خواطر بیلدیرگن.
مملکتلر وکیللری، افغانستان خاتین-قیزلری‌گه قرشی طالبان چیکلاولری‌دن تنقید قیلیب، اوشبو جنایت‌لر سبب‌لی طالبان رهبری حبسگه آلینیشی خصوصیده، خلق‌ارا جنایت‌لرنی تیکشیریش محکمه‌سی نینگ قرارینی قوللب-قوتلگن.
تورکیه، مالزی، جرمنی، لوکزامبورگ، جنوبی افریقا، سویس، پاکستان و شونگه اوخشش بیر قنچه مملکتلر وکیللری، افغانستان‌ده انسان حقلری جدی بیرحالده طالبان تامانیدن نقض اېتیلیب تورگنیدن خواطر بیلدیردی‌لر.
عینی حالده، بیرلشکن ملتلر تشکیلاتی نینگ افغانستان انسان حقلری بۉییچه مخصوص گزارشگری ریچارد بنت هم، بیر گزارش ترقه‌تیب، افغانستان‌ده انسان حقلری احوالی‌نی آغیر بیان قیلگن.
ریچارد بنت بو حقده، طالبان نینگ امر بالمعروف و نهی عن المنکر قانونی‌دن اېسلب، اوشبو قانون افغانستان جماعه‌سیده جدی معمالر یره‌تگن دېب بیلدیرگن.
شوندی بیرحالده، ریچارد بنت خلق‌ارا هم‌جمعیتی افغانستان‌ده، طالبان یاندهشوولریگه قرشی بی‌فرق بۉلگنیدن هم تنقید قیلدی.
