بیرلشکن ملتلر تشکیلاتی چوکاتیده فعال خلق‌ارا باش پناه ایزلاوچیلر تشکیلاتی یقین‌ده بیر گزارش نشر قیلیب، اۉتگن ییلی دنیا بویلب کمیده ۹ مینگ کیشی مهاجرت یۉلی‌ده جان بېرگنیدن خبر بېردی.
بو تشکیلات تامانیدن نشر اېتیلگن معلومات اساسیده، اوشبو مهاجرلر مملکتلریده‌گی، قیینچیلیکلر باعث، یخشی‌راق بیر حیات‌گه قۉل تاپیش مقصدیده، مهاجرت یۉلینی اختیار قیلگن که مهاجرت یۉلی‌ده مقصدگه ییتیشالمه‌ی قربان بۉلگن.
خلق‌ارا مهاجرت تشکیلاتی‌گه کۉره، میلادی ۲۰۲۴ – ییلی رویخط‌گه آلینگن، غربت یۉلی‌ده قربان بۉلگنلر رقمی ۹ مینگدن هم کۉپ بۉلیشی ممکن دیر چونکه بو مهاجرلر بیر قنچهسی تورلی سبب‌لر باعث رویخط‌گه آلینمه‌گن.
ایتیش کېره‌ک که افغانستان بو معمادن جبرلنیب یاتکن مملکتلردن بیرته‌سی بۉلیب، مملکت اهالیسی‌دن کۉپلب کیشی ناتینچ‌لیکلر و اقتصادی معمالری سبب، چیت‌ایل کېتیش‌گه مجبور بۉله‌دی.
افغانستان نینگ باش پناه ایزلاوچی اوشبو وطنداشلری جمله‌سیدن، کۉپلب کیشی غربت یۉلی‌ده جان بېره‌دیلر.
