افغانستان‌ده بیرلشکن ملتلر تشکیلاتی نینگ نماینده‌لیگی یا ده «یوناما» بیر بیانات نشر قیلیب، طالبان تامانیدن عملگه آشیریلگن اعدام‌لر برابریده مناسبت بیلدیردی.
بیرلشکن ملتلر تشکیلاتی نینگ نماینده‌لیگی اۉزی نینگ ایکس/سابق تویتر صحیفهسیده یازگن بیاناتیده، بو حقده فکر بیلدیرگن.
یوناما نینگ یازیشیچه “اعدام اېتیلیش انسان‌لرنینگ اساسی تیریک‌لیک حقی بیلن قرشی دیر. یوناما اعدام‌لر تیزلیک بیلن تۉخته‌تیلیشینی طلب قیله‌دی.”
ایتیش کېره‌ک که طالبان اۉتگن کون جمعه ۲۲ – حمل، اوچ ولایتده تۉرت کیشی‌نی اعدام قیلدی.
طالبان تامانیدن آدم اۉلدیریش‌گه عیب‌لنگن بو شخص‌لر، بادغیس، نیمروز و فراه ولایتلریده عامه حضوریده، اعدام اېتیلدی.
