طالبان تشقی ایشلر وزیرلیگی نینگ اعلام قیلیشیچه، بو وزیرلیکده «افغانستان-قزاقستان» مناسبتلرینی کوچهیتیریش یۉللرینی محاکمه قیلیش مقصدیده، بیر ییغین اۉتکزیلگن.
اوشبو ییغینده، طالبان تشقی ایشلر وزیرلیگی رسمیلریگه قوشیمچه، قزاقستان جمهورلیک ریاستی نینگ استراتیژیک تدقیقاتلر بۉییچه باشلیغی یرکین توکوموف هم اشتراک قیلگن.
بو ییغینده، طالبان و قزاقستانلیک بو مقام، ایکی مملکتارا مناسبتلر کونسهیین یخشیلنیب بارهیاتکنینی تیلگه آلیب، حاضر ایکی مملکت آرهسیده سوداگرلیک علاقهلر میزانی بیر میلیارد دالر دېب بیلدیرگن.
شونینگدېک ییغینده، اوشبو رقم اوچ میلیارد دالرگه قدر کوتاریلیشی اوچون سعیوحرکتلر دوامی هم اورغولهنگن.
عینی حالده، طالبان تشقی ایشلر وزیرلیگی نینگ ادعا قیلیشیچه، قزاقستان جمهورلیک ریاستی نینگ استراتیژیک تدقیقاتلر باشلیغی یرکین توکوموف، یقین آرهده بو مملکتدن یوقاری مرتبهلی بیر هیات کابل کېلیشیدن خبر بېرگن.
بو هیات قیسی سطحگه بۉلگنی و انیق قچان کېلیشی حقیده تفصیلات بېریلگن اېمس. بیراق ایتیلیشچه مذکور هیات افغانستان و قزاقستان مناسبتلرینی کوچهیتیریش مقصدیده کابل کېلهدی.
