اخیرگی کونلر ایچیده، طالبان فاریاب، جوزجان و سرپل ولایتلریده، شهرچهلر توزاتیشنی ریجهلشتیریب بو شهرچهلرده پاکستاندن کېلگن مهاجرلرنی جایلهشتیریش اوچون قرار قیلدی.
طالبان نینگ بو قراری کۉپلب مناسبتلرگه باعث بۉلگن و اوشبو مناسبتلر دوامیده، افغانستان سابق سیاسی سیمالریدن جنرال عبدالملک شمس، بو ایش عملگه آشیریلگن تقدیرده، قومی جنجللرنی کۉپهیتیریب یامان عاقبتلرنی اۉرتهگه آلیب کېلیشی ممکنلیگیدن آگاهلنتیرگن.
افغانستان سابق سیاسی سیمالریدن بو کیشی اۉزی نینگ فیسبوک صحیفهسیده یازگن بیاناتده ایتیشیچه “افغانستان شمالی قسمی اهالی سی نینگ ییر و ملکلری غصب اېتیلیشی و جبری بویروغلر تحمیل اېتیلیشی افغانستان تاریخیده ایجابی نتیجه بېرمهگن بلکیم قان توکیلیشلر و تحمیلی مهاجرتلرگه باعث بۉلگن. بو فاجعه سابق حاکملر منفعتگه هم اېمس اېدی و حاضرگی حاکملرنینگ هم منفعتگه اېمس و اولرنینگ تیزیملری بقاسی اوچون یخشی عاقبتی یۉق دیر.”
جنرال عبدالملک شمس پاکستاندن بیگانهلر افغانستان شمالی قسمیگه انتقال بېریلیشی امریکا نینگ افغانستان اوچون سابق وکیلی زلمی خلیلزاد ریجهسی هم دیب ادعا قیلگن.
افغانستان بو سابق سیاسی سیماسی، افغانستان شمالی ولایتلری یشاوچیلری، طالبان بو ریجهسی عملگه آشیریلمسلیگی اوچون خلقارا همجمعیتی و منطقه مملکتلری دقتنی هم سۉرهیدی دېب بیلدیرگن.
