اۉزبېک تی‌وی گه یوباریلگن معلومات اساسیده، اۉزبېکستان مملکتی سرخان دریا ولایتی نینگ مرکزی ترمذ شهری، می آیی نینگ ۱۹ –سیدن ۲۲ – سیگه قدر مهم همده ییریک بیر ییغین‌دن، میزبان‌لیک قیله‌دی.
دېیرلی «مرکزی و جنوبی آسیا اۉز-ارا باغلنیش بۉییچه ترمذ ملاقاتی» عنوانی آستیده اۉتکزیلیشی ریجه‌لشتیریلگن، بو ییغین‌ده اۉزبېکستان یوقاری مرتبه‌لی دولت رسمی‌لریگه قوشیمچه، دنیا تورلی مملکتلریدن کمیده ۲۰۰ وکیل اشتراک اېتیشی معلوم قیلینگن.
ییغین اشتراکچیلری آره‌سیده، سیاسی-اقتصادی و تجارت دایره‌لر وکیللری، مالیه انستیتوت‌لری، خلق‌ارا و منطقوی تشکیلات‌لر اعضالری، شونینگدیک، دنیانینگ تورلی تحلیلی همده علمی-تدقیقات مرکزلری‌نینگ نفوس‌لی متخصص‌لری بارلیگی معلوم قیلینگن.
ایتیلیشیچه بو ییغین‌ده، مرکزی و جنوبی آسیا اۉرته‌سیده‌گی منطقه‌لر-ارا همکارلیک‌نینگ جاری حالتی و استقباللری محاکمه بۉلیب، اساسی اعتبار خوفسیزلیک، برقرارلیک و ایزچیل رواجلنیشنی تامین‌لش بۉییچه همکارلیکنی مستحکم‌لش، شونینگدیک، اقتصادی اوسیشنی تامین‌لش‌ده خصوصی سکتور و مالیه‌وی توزیلمه‌لرنینگ رولینی کینگگه‌یتیریش مسئله‌لریگه قره‌تیله‌دی.
