افغانستان بویلب ییل نینگ کانکور سیناوی بیر نیچه وقت‌دن بیری باشلنگن و جاری هفته ایچیده، تورکستان و قطغن ولایتلریده کانکور سیناوی بۉلیب اۉته‌دی.
دیمک بو ییل کانکور سیناوی‌ده کابل بیلیم یورتی اۉزبېک تیلی و ادبیاتی دیپارتمنتی‌گه طلبه‌لرنی قبول قیلیش ظرفیتی ۶۰ کیشی و بو بولیم‌نی تَن‌لش کودی اېسه «۱۳۴۵» اعلام بۉلگن.
بلخ بیلیم یورتیده، اۉزبېک تیلی و ادبیاتی دیپارتمنتی نینگ بو ییل ظرفیتی ۱۶۰ کیشی و کودی اېسه «۱۹۶۵» دیر. جوزجان‌ده ظرفیت ۶۰ کیشی و تَن‌لش کودی اېسه «۱۹۳۶» دیر.
شونینگدېک تخار بیلیم یورتی اۉزبېک تیلی و ادبیاتی دیپارتمنتی نینگ بو ییل ظرفیتی ۱۰۰ کیشی و کودی اېسه «۱۵۹۵» اعلام بۉلگن. بغلان اۉزبېک تیلی و ادبیاتی ظرفیتی بو ییل ۵۰ کیشی و کودی اېسه «۱۶۵۵» دیر.
بونگه قوشیمچه فاریاب بیلیم یورتی اۉزبېک تیلی و ادبیاتی بو ییل اۉز ظرفیت‌نی ۸۰ کیشی اعلام قیلگن که بو دیېارتمنت‌نی «۱۴۹۵» کود رقمی بیلن کانکورده تَن‌لش ممکن.
و نهایت سرپل یوکسک اۉقوو موسسه‌سی نینگ اۉزبېک تیلی و ادبیاتی بو ییل ظرفیت‌نی ۸۰ کیشی اعلام قیلگن که بو بولیم‌نی هم «۱۷۷۸» کود آرقه‌لی تَن‌لشینگیز ممکن.
ایتیش کېره‌ک که بو ییل هم کانکور سیناوی، اۉزبېک تیلی و ادبیاتی دیپارتمنت‌لریده طلبه آزلیگی معماسی بیلن بیرگه ییتیب کېلماقده دیر.
شوندی اېکن اۉزبېک تیلی و ادبیاتی دیپارتمنت‌لریده بو آغیر وضعیتده قیزیقیب، بو بولیم‌نی تَن‌لب اۉقیگن ییگیت‌لر، تیلی‌میز اوچون تاریخی خذمت قیلگن بۉله‌دی.
