طالبان حاکمیتی آستیده‌گی افغانستان‌ده، ترورچی گروه‌لر و جنگری‌لر حضوری کۉپه‌یگنیدن خواطرلر موجود بیرحالده، طالبان ینه بیربار بو حقده‌گی خلق‌ارا خواطرلرنی ناتۉغری بیان قیلدی.
طالبان سۉزلاوچیسی ذبیح الله مجاهد، بو حقده بیرلشکن ملتلر تشکیلاتی نماینده‌لر کېنگشی نینگ اخیرگی خواطرلری‌گه مناسبت بیلدیریب، نشر قیلگن بیاناتیده، افغانستان‌ده چیت‌ایللیک ترورچی گروه‌لر فعالیتی و حضوری یۉق دېب ادعا قیلگن.
دېیرلی امریکا قوشمه ایالتلری نینگ نماینده‌لر کېنگشی یقین‌ده، افغانستان‌ده چیت‌ایللیک ترورچی گروه‌لر جنگری‌لری حضوری بارلیگینی اعلام قیلیب، بو مساله خصوصیده خواطر بیلدیرگن اېدی.
طالبان اېسه بو خواطرلرنی اۉرین‌سیز بیان قیلیب، باشقه مملکتلر منفعت‌گه ضد گروه‌لر فعالیتی اوچون افغانستان‌ده رخصت بېرمس‌لیکلرینی اورغوله‌دی.
طالبان شوندی بیرحالده بو حقده ایشانچ بېرماقده دیر که بو حاکمیت دوریده، افغانستان‌دن بۉلگن ترورچیلیک تهدیدلری کۉپلب مراتبه دنیا بویلب مملکتلر و تشکیلات‌لر تامانیدن تیلگه آلینگن.
