بیرلشکن ملتلر تشکیلاتی نینگ خاتین-قیزلر بۉلیمی یقین‌ده بیر حسابات نشر قیلیب، افغانستان‌ده دوام اېتیب تورگن عیاللرگه قرشی وضعیت‌دن خواطر بیلدیردی.
بو تشکیلات نینگ اعلام قیلیشیچه، حاضر افغانستان‌ده ۸۰ فایز خاتین-قیزلر اۉقیش و ایشلش حقلری‌دن محروم قالگن دیر.
بیرلشکن ملتلر تشکیلاتی خاتین-قیزلر بۉلیمی، بو وضعیت سبب افغانستان جندر تینگ‌لیگی و خاتین-قیزلر حقلری قوللب-قوتلنیشی بۉییچه «فاجعه‌لی» بیر حالده باشقه مملکتلردن آرتگه قالگنینی اعلام قیلدی.
مذکور تشکیلات حساباتیده تاکیدلنیشیچه، حاضر هم افغانستان‌ده خاتین-قیزلر طالبان چیکلاولری‌گه قرشی کوره‌شماقده دیر.
ایتیش کېره‌ک که افغانستان حاکمیتی طالبان قۉلی‌ده توشگنیدن بیری، مملکتده انسان حقلری اینقسه خاتین-قیزلر حقلری خواطرلی بیر وضعیتده توشیب قالگن.
