سویس مملکتیده یقین‌ده بیش کون‌لیک بیر ییغین اۉتکزیلیب، افغانستان شامل ایریم مملکتلر احوالی تیکشیریلگن.
بو ییغین‌ده، افغانستان‌دن سیاسی و عیاللر حقلری فعاللری جمله‌دن راحه دوستم، شکریه بارکزی، محبوبه سراج، زهرا کاظمی و شونگه اوخشش باشقه بیر قنچه فعاللر اشتراک قیلگن.
خلق‌ارا دیموکراسی توپلنمه‌سی تامانیدن جاری میلادی آی نینگ ۸ –سی باشلنگن بیش کون‌لیک بو ییغین‌ده، تورلی مملکتلردن بۉلگن وکیللر همده بیرلشک ملتلر تشکیلاتی نینگ وکیلی اشتراک قیلگن.
ییغین اوچینچی کونی‌ده اۉتکزیلگن بحث‌لر افغانستان حقیده بغیشلنگن و بو ییغین‌ده راحله دوستم و زهرا کاظمی نطق سۉزلب، افغانستان خصوصیده اۉز فکر و تکلیف‌لرینی اشتراکچیلر بیلن شریک قیلگن.
بو ییغین نینگ افغانستان خصوصیده بۉلگن بحث‌لری کۉپینچه خاتین-قیزلر احوالی‌گه قره‌تیلگن.
افغانستان احوالی اینقسه خاتین-قیزلر وضعیتی، بوندی ییغین‌لرده شوندی بیرحالده تیکشیریلماقده دیر که طالبان حاکمیتی آستیده، مملکت احوالی تاباره جدی‌لشیب بارماقده.
طالبان خلق‌ارا طلب‌لرگه قرشی، اۉزی نینگ آغیر یانده‌شوولرینی عملگه آشیریلیب، افغانستان اهالیسی اینقسه خاتین-قیزلرنی قییند شرایطده قویگن.
