امریکا قوشمه ایالتلری جمهور باشلیغی دونالد ترامپ، آذربایجان جمهور باشلیغی الهام علیاف و ارمنستان باش وزیری نیکول پاشینیان اوچرهشوو اۉتکزیب، مشترک بیر بیانات نشر قیلدیلر.
آذربایجان جمهورلیک ریاستی مطبوعات خذمتی تامانیدن نشر اېتیلگن اوشبو بیاناتگه کۉره، آذربایجان و ارمنستان مملکتلری دولت رهبرلری، اۉرتهلریده یخشی مناسبتلر برقرار اېتیلیشی اهمیتنی تاکید قیلگنلر.
امریکا جمهورلیک ریاست سراییده اۉتکزیلگن بو ملاقات یکونیده نشر اېتیلگن بیاناتده، آذربایجان و ارمنستان اۉرتهسیده تینچلیک تامینلنیشی و دولتلر ارا مناسبتلر اۉرنهتیلیشی حقیده قرهتیلگن بو مملکتلر تشقی ایشلر وزیرلری تامانیدن تیارلنگن بیتیم، تصدیقلنگن.
شونینگدېک آذربایجان و ارمنستان دولت رهبرلری، اۉرتهلریدهگی تاریخی تارتیشوو یکونلنیب، بوندن کېین هیچ قندی حربی حرکت و قصاص آلیش بۉلمسلیگینی تاکید قیلدیلر.
عینی حالده، آذربایجان و ارمنستان دولت رهبرلری، ایکی مملکتدهگی ایچکی و خلقارا ترانزیت یۉللری آچیلیشی اهمیتنی هم تاکید قیلگنلر.
ایتیش کېرهک که آذربایجان و ارمنستان قرهباغ اوستیدهگی اوزاق ییللیک تاریخی تارتیشوولریدن کېین بو کېلیشوولرگه قۉل تاپماقدهلر.
