طالبان نینگ ننگرهار ولایتیده‌گی خوفسیزلیک قومندان‌لیگی اعلام قیلیشیچه، بو حاکمیت تامانیدن داعش‌گه قرشی عملیات اۉیوشتیریلگن.
طالبان تامانیدن بو حقده نشر قیلگن بیاناتیده ادعا قیلیشیچه، اوشبو عملیات نتیجه‌سیده داعش جنگری‌لریگه تېگیشلی یاشیرین بیر مکان یۉق اېتیلگن.
شونینگدېک طالبان دره‌نور تومنی‌ده اۉیوشتیریلگن بو هجوم عاقبتیده، داعش بیر قومندانی بیر قنچه جنگری‌سی بیلن بیرگه اۉلدیریلگنینی ادعا قیلدی.
طالبان شوندی بیرحالده داعش‌گه قرشی بو عملیات‌دن خبر بېرماقده دیر که بوندن ایلگری، مذکور حاکمیت افغانستان‌ده طالبان بوتونله‌ی یۉق اېتیلگنینی ادعا قیلگن اېدی.
عینی حالده، دنیا مملکتلری هم کۉپلب بیانات‌لر و حسابات‌لریده، افغانستان‌ده داعش تهدیدی جدی بۉلگنیدن خواطر بیلدیریب کېلگن.
