بوگون اسد آیی نینگ ۲۴ – سی افغانستان پایتختی کابل شهری، طالبان قۉلی‌گه قوله‌شی بیلن افغانستان‌گه طالبان حاکمیتی قیته اۉرنه‌تیلیشی کونی بیلن ماس دیر.
طالبان افغانستان بویلب بوتون ولایتلرده، بوکون‌دن نشان‌لش مقصدیده تدبیرلر اۉتکزماقده.
بوکون ییتیب کېلمه‌ی افغانستان تورلی شهرلری دیوارلریده، طالبان تامانیدن شعارلر و ۲۴ – اسد مناسبتی بیلن سۉزلر یازیلیب، بنرلر کوتاریلگن اېدی.
شو بیلن بیرگه طالبان افغانستان تورلی ولایتلری اینقسه کابل شهریده، ییریک ییغین اۉتکزیب بو کون‌دن نشانله‌دی.
طالبان افغانستان حکومتی بو گروه قۉلی‌گه سقوط قیلگن کونینی خرسندچیلیک بیلن کوتیب آله‌یاتکن بۉلسه‌ده. بیراق افغانستان نینگ کۉپلب جمعیتی بوکون‌نی قیغو بیلن باش‌دن اۉتکزماقده.
حاضر افغانستان، انسان حقلری و رواجلنیش نقطه‌ی نظردن اینگ آغیر کونلرنی باش‌دن کېچیرماقده و بونگه قوشیمچه اقتصادی قیینچیلیکلر اهالینی آغیر شرایطده قویگن.
