بی‌بی‌سی تامانیدن نشر اېتیلگن خبرگه کۉره، بریتانیا مدافعه وزیرلیگی بیلن همکارلیکده بۉلگن «اینفلیت هوا یۉللری کمپنیه‌سی» هکرلرنینگ سایبری هجوملری بیلن دوچ کېلگن.
بو حقده نشر اېتیلگن معلومات‌لرنی بیلدیریشیچه، اوشبو هجوم نتیجه‌سیده بریتانیاگه انتقال بېریلگن ۳ مینگ و ۷۰۰ افغانستان‌لیک مهاجرنی شخصی کیم‌لیگی افشا اېتیلیشی ممکن دیر.
دېیرلی بو شخص‌لر، بریتانیا نینگ افغانستان‌ده‌گی همکارلری و افغانستان سابق حکومتی حربی‌لریدن عبارت دیر که سونگی ییللر دوامی‌ده، بریتانیاگه انتقال بېریلگن.
بریتانیا حکومتی، هلی بو معلومات‌لر بوتونله‌ی افشا اېتیلمه‌گنینی تاکیدلب، بو وضعیت آلدینی آلیش اوچون اولگورماقده.
ایتیش کېره‌ک که بوندن ایلگری، بریتانیا مدافعه وزیرلیگی تامانیدن بو مملکت‌گه انتقال بېریلیش‌نی کوتیب تورگن مینگلرچه افغانستان‌لیک کیم‌لیگی افشا اېتیلگن اېدی.
