آلاسکاده امریکا قوشمه ایالتلری جمهور باشلیغی دونالد ترامپ و روسیه جمهور باشلیغی ولادیمیر پوتین اۉرته‌سیده اۉتکزیلگن مذاکره‌گه نسبتن مناسبت‌لر دوامی‌ده، تورکیه جمهور باشلیغی رجب طیب اردوغان هم بو مذاکره همده اوکراین اوروشی خصوصیده بۉلگن اینتیلیش‌لرنی آلقیش‌لدی.
تورکیه جمهور باشلیغی اۉزی نینگ ایکس صحیفه‌سیده یازگن بیاناتیده، امریکا و روسیه دولت رهبرلری نینگ مذاکره‌سی، اوکراین اوروشی یکونلنیب تینچ‌لیک تامین‌لنیشی اوچون امید یره‌تگن دېب معلوم قیلدی.
شونینگدېک اردوغان، اوکراین جمهور باشلیغی ولادیمیر زیلینسکی اشتراکیده تینچلیککه قۉل تاپیش کېره‌ک‌لیگینی هم تاکیدلگن.
عینی حالده، تورکیه جمهور باشلیغی بو مملکت اوکراین اوروشی یکونلنیشی اوچون هر قندی همکارلیکده تیار دېب اعلام قیلدی.
ایتیش کېره‌ک که امریکا و روسیه دولت رهبرلری نینگ مذاکره‌سی اونملی بیر نتیجه آلمه‌ی یکونلنگن و شوندی بۉلسه هم اوکراین اوروشی تقدیری خصوصیده ایریم امیدلرنی یره‌تکن.
