سرپل ولایتیدن اۉزبېک تی‌وی منبع‌لری نینگ ایتیشیچه، بو ولایتده طالبان اخبارات و مدنیت باشلیغی ملا عبدالغفار حقنما اۉزبېک تیلی بیلن آچیق دشمن‌لیک قیلیب، بو تیل‌ده بولگن یازوولرنی اوچیرماقده دیر.
منبع‌لرنینگ ایتیشیچه، طالبان بو محلی رسمی‌سی مستقیم اره‌لشیشی نتیجه‌سیده، سرپل ولایتیگه کیریش ایکی دروازه همده بو ولایت عامه کتابخانه‌سیده‌گی اۉزبېکچه یازوو اوچیریلگن.
طالبان اخبارات و مدنیت باشلیغی اۉزبېکچه اۉرنیده پشتو تیلی‌ده یازیش‌نی بویروغ بیرگنی اَیتیله‌دی.
طالبان اخبارات و مدنیت باشلیغی نینگ اوزبیک تیلی‌گه قرشی بو حرکتلری، سرپل ولایت فعاللر تنقیدی و قرشی‌لیگیگه سبب بولگن. بیراق حقنما بو تنقیدلرگه اعتبار بیرمس‌دن اۉزبېک تیلی‌گه قرشی ریجه‌لرینی عملگه آشیرماقده دیر.
ایتیش کېره‌ک که بوندن ایلگری، باشقه ولایتلر و حدودلرده هم اۉزبېک تیلی‌گه قرشی خودی شوندی ایش‌لر قۉلگه آلینگن اېدی.
