مزارشریف‌ده نوایی حضرتلری نینگ هیکلی یۉق اېتیلیشی برابریده انگلستان‌ده یشاوچی یاش فعاللردن الوغ‌بیک عصمتی جنابلری قوییده‌گی یازوونی تیارلب، بو حقده مناسبت بیلدیرگن.
«اوزون ییللردن بیریگی افغانستان تورکلریگه تیگیشلی تاش باسمه اثرلری و تاریخی بارلیکلرینی بیللی بیر قوم، انیق گروهلر واسطه‌سی بیلن ویران ایتیش توشونچه‌سی ملی ارزشلرگه قرشی و قاره‌لشگه محکوم عمل دیر. اوشبو عمل بیلن ملتیمیز تاریخیدن امیرالکلام میر نظام‌الدین علیشیر نوایی و باشقه بویوک شخصیتلرنی نه فقط اوچیرالمه‌یدی، بلکه بویوک شخصیت‌لر روحینی و فکرینی تورک خلقی ایچیده تکرار اویغاته‌دی. قنچه هم ویرانگرلیکلرگه معروض قالسه، ملتلرنینگ تاریخی میراثلرینی هیچقچان یوقاتیب بولمه‌یدی و تاریخ یپراغلریدن اوچیریلمس، یوقاتیلمس کورکم اثر بولیب قاله‌ویره‌دی.
بوکبی حرکتلر اصلیده طالبان گروهی‌نینگ فرهنگ و مدنیت‌سیز ایکن‌لیگینی همده جهالت‌نینگ اوجیده یشب کیله‌یاتگنینی کورسته‌دی. مدنیتیمیزگه قرشی بوزغونچ حرکتلر، ملتیمیزنی ینه‌ده کوچلی‌راق بولیشی بیلن بیرلیککه اونده‌یدی و خلقیمیزنی اوز تاریخي هویتی و قدریتلریگه تاباره باغله‌يدی. نوایی‌نینگ نامی، فكری و آثاری نسل‌دن نسلگه اوتیب، ملتیمیزنینگ کونگلی و کوزینی آچیب، مدنی یولیمیزگه نور ساچیب بارماقده دیر.»
