اۉزبېکستان جمهور باشلیغی شوکت میرضیایف، خلق‌ارا ییغین‌لرده افغانستان خصوصیده بۉلگن سۉزلری دوامی‌ده، ینه بیربار طالبان حکومتی بیلن مناسبت‌لر اۉرنه‌تیلیشی کېره‌ک دېب تیلگه آلدی.
شوکت میرضیایف بو مرته، بوگون دوشنبه ۱۰ – سنبله چین‌نینگ تیانجین شهری میزبان‌لیگیده اۉتکزیلگن شانگهای همکارلیکلر تشکیلاتی رهبرلری ییغینی‌ده بۉلگن نطق‌لریده، افغانستان خصوصیده هم فکر بیلدیردی.
اۉزبېکستان جمهور باشلیغی اۉز نطق‌لریده، افغانستان نظرگه توتیلمه‌گن حالده منطقه‌ده برقرارلیک تامین‌لنمسلیگینی بیلدیریب، شوندی اېکن طالبان بیلن اونملی سۉزلشوولر و مناسبت‌لر اۉرنه‌تیلیشیگه تاکید قیلدی.
شونینگدېک اۉزبېکستان جمهور باشلیغی، اۉزبېکستان حکومتی افغانستان برقرارلیک تامین‌لنیشی و بو مملکت اقتصادیاتی اوسیشی مقصدیده، خلق‌ارا همجمعیتی و طالبان اۉرته‌سیده مناسبت‌لر اۉرنه‌تیلیشی اوچون همکارلیک قیلیش‌ده تیار اېکنینی معلوم قیلدی.
ایتیش کېره‌ک که اۉزبېکستان جمهور باشلیغی بوندن ایکی کون ایلگری هم، بو مملکت مستقللیک کونی مناسبتی بیلن اۉتکزیلگن احتفالده طالبان بیلن مناسبت‌لر دوامینی تاکیدلگن اېدی.
