طالبان باش وزیرینینگ اداری اۉرینباسری عبدالسلام حنفینینگ ادعا قیلیشیچه، طالبان قدرتگه اېریشگنیدن کېین توتقینگه آلینگن کیشیلر جزالنمهگن.
حنفی، بوگون کابل بیلیم یۉریده طالبان رهبری هبتالله آخوندزاده نی قۉللب-قوتلش مقصدیده بۉلگن ییغینده، اوشبو گروه قدرتگه اېریشگنیدن سۉنگ طالباننینگ اۉلدیریلیشیگه تېگیشلی موضوعلرگه باغلیق ۱۲۰ کیشی قۉلگه آلینگنینی ایتدی.
اونگه کۉره، طالبان رهبری هبتالله آخوندزادهنینگ کېچیریم بۉیروغی سبب، اوشبو کیشیلر بیلن جزالنمهی و بو بۉیروغ عملگه آشیریلگن.
شونینگدېک عبدالسلام حنفی، سۉزلری دوامیده هیچ بیر توزیمنینگ ظلم و عدالتسیزلیک بیلن دوام قیلمسلیگینی بیان قیلگن. اونینگ اورغولشیچه، محبوسلر و حتا طالبان برابریده اوروشگنلر، بو گروه حکومتی برابریده حقوقگه اېگه.
بو سۉزلر شوندهی بیرحالده بیان بۉلماقده که، نیچه کون آلدین سرپل شهری «توغنی» قیشلاغیده سابق حربیلردن بیرینینگ جسدی قودوق اېچیدن تاپیلگن.
عبدالبشیر محمدی اسملی اوشبو سابق حربی طالبان قدرت گه اېریشگنیدن کېین سرپل مرکزیده هیداوچیلیک قیلهر اېکن و شونینگدېک اونینگ اۉلدیریلگنی سببی بیللی بۉلمهدی.
بوندن تشقری، سونگّی ییللرده دوامیده طالبان تامانیدن حبسگه آلینگن کۉپلب کیشیلر اینیقسه سابق حربیلر و ناراض عیاللر، آغیر شکنجه اېتیلگنی خصوصیده حجتلی گزارشلر نشر اېتیلگن اېدی.



