بیرلشکن ملتلر تشکیلاتی‌نینگ باله‌لرنی حمایه‌لش اداره‌سی بیر بیانات نشر قیلیب اعلام قیلیشیچه، اروپا اتفاقی افغانستان‌ده باله‌لر اۉقیشینی قوللب-قوتلش مقصدیده آلتی میلیون یورو یاردم اجره‌تگن.
بو حقده نشر اېتیلگن بیاناتده، مذکور یاردم افغانستان‌ده باله‌لرگه صفت‌لی اۉقیش زمینه‌لرینی یرهتیش مقصدیده کۉرسهتیلگنی معلوم قیلینگن.
ایتیلیشیچه بو یاردملر کۉپینچه، اۉقیش‌دن محروم قالگن باله‌لر و شونینگدېک ناگران باله‌لرنی حمایه‌لش مقصدیده صرف‌لنه‌دی.
دېیرلی اوشبو مقصدده، اروپا اتفاقی و باله‌لرنی حمایه‌لش تشکیلاتی آره‌سیده بیر شرطنامه هم امضالنگن.
بو یاردم شوندی بیرحالده دیر که سونگی ییللرده میلیونلرچه یاردم افغانستان تعلیم ساحه‌سیده قره‌تیلگن بۉلسه هم بیراق، هلی‌گچه ییترلی اۉقیش امکانیت‌لری یره‌تیلگن اېمس.
