طالبان کانلر و پترولیم وزیرلیگی‌نینگ اعلام قیلیشیچه، جوزجان ولایتی «طوطی‌میدان» کانی‌دن گاز ایشلب چیقاریش جریانی، رسمی کۉرینیش‌ده باشلنه‌دی.
دېیرلی طالبان بو کان‌دن گاز ایشلب چیقاریش جریانی بوگون یکشنبه اۉتکزیلیشی ریجهلشتیریلگن احتفال آرقه‌لی، رسمی آچیلیشینی معلوم قیلدی.
دیمک طوطی‌میدان گاز ساحه‌سیدن گاز ایشلب چیقاریش ایشلری، طالبان تامانیدن اۉزبېکستان‌نینگ «ایریل‌کام» کمپنیه‌سیگه تاپشیریلگن.
بوندن بیر نیچه آی ایلگری طالبان رسمی‌لری و اۉزبېکستان‌لیک بو کمپنیه اۉرته‌سیده شرطنامه امضالنگن اېدی.
اوشبو شرطنامه اساسیده، طوطی‌میدانی کانی اوستیده بیرینچی ییل ۱۰۰ میلیون دالر و کېله‌سی اۉن ییل‌گچه بیر میلیارد دالر سرمایه یاتقیزیلهدی.
شونینگدېک طالبان بو کان‌نی ایشلب چیقاریش جریانی باشلنیشی‌دن کېین ایکی ییل ایچیده، ۱۰۰ میگاوات برق هم ایشلب چیقاریلیشینی معلوم قیلگن اېدی.
دیمک طالبان سونگی تۉرت ییل جریانیده، افغانستان کانلری اینقسه تورکستان و قطغن کانلرینی ایشلب چیقاریش‌نی جدی‌لشتیرگن. بیراق بو کانلردن قۉلگه کېلگن عاید اهالی اقتصادی احوالی یخشی‌لنیشی اوچون صرف‌لنمه‌گنی تنقیدلرگه سبب بۉلماقده دیر.
