فاریاب ولایتی خواجه سبزپوش تومنی‌دن اۉزبېک تی‌وی منبع‌لری معلوماتی‌گه کۉره، بو تومن‌نینگ «پخل توغه‌ی» حدودیده، یقین‌ده تورموش اورتاغی وفات قیلگن یاش عیال، اۉز ایناغه‌سی تامانیدن اۉلدیریلگن.
منبع‌لر معلوماتی‌گه کۉره، بو یاش عیال طالبان بیر اعضاسینی تلیفونی مزاحمت‌لریدن کېین، ایناغه‌سی تامانیدن اۉلدیریله‌دی.
ایتیلیشیچه طالبان بو اعضاسی، یاش بو عیال‌گه تلیفون آرقه‌لی مزاحمت قیلیب، زور بیلن بو عیال‌نی آلیش‌گه اولگورگن اېکن که عیال ایناغه‌سی بو موضوع‌دن خبر بۉلیب، اۉز سینگلی‌سینی اۉلدیره‌دی.
مذکور عیال بیر باله‌نینگ آنه‌سی بۉلگنی هم اَیتیلماقده دیر.
ایتیش کېره‌ک که سونگی کونلر ایچیده، فاریاب ولایتیده بو اوچینچی واقعه دیر که عیاللر بو کبی واقعه‌لرده اۉلدیریله‌دی.
تۉرت کون ایلگری هم، فاریاب ولایتی‌نینگ شیرین تگاب و دولت آباد تومن‌لریده ایکی عیال، قورالی شخص‌لر و تورموش اورتاغی تامانیدن اۉلدیریلگن اېدی.
