اسراییل‌نینگ غزه‌گه قرشی ییر و هوادن هجوملری آرتیشی بو شهرده یوزلرچه کیشی اۉلیب و یره‌لنیشیگه سبب بۉلگن.
خلق‌ارا اخبارات منبع‌لری تامانیدن نشر اېتیلگن معلومات‌لرگه کۉره، اۉتگن کون‌دن بیری حاضرگچه غزه شهریده ۱۰۶ کیشی اسراییل هجوملری نتیجه‌سیده جان بېرگنی انیق‌لنگن.
شونینگدېک اوشبو هجوملر نتیجه‌سیده، ینه ۳۶۷ کیشی یره‌لنگنی معلوم قیلیندی.
دیمک ایکی کون‌دن بیری اسراییل حربی‌لری غزه‌گه هجوملرینی آشیریب، بو شهر مرکزی‌گه کېریب کېلگن.
اسراییل حربی‌لری‌نینگ اعلام قیلیشیچه، غزه‌نی بوتونله‌ی باسیب آلینیشی و حماس گروهی یۉق اېتیلیشی‌گه قدر هجوملرینی دوام بېره‌دی.
اسراییل اوشبو هجوملری، خلق‌ارا تنقیدلرگه هم سبب بۉلگن. بیراق اسراییل اېسه بو تنقیدلرگه اعتبار قره‌تگن اېمس.
