پاکستان و طالبان اۉرتهسیده خوفسیزلیک کېلیشماوچیلیکلر ینه بیربار جدیلشیشی آرتیدن، بو مملکت تشقی ایشلر وزیرلیگی تامانیدن، طالبان ایلچیسی سردار احمد شکیب چقیریلگنی خبر قیلیندی.
بو حقده نشر اېتیلگن خبرلرگه کۉره، پاکستان تشقی ایشلر وزیرلیگی طالبان ایلچیسیگه، پاکستان طالبان تحریکی یا ده «تیتیپی» فعالیتلری کوچهییب بارهیاتکنیدن اعتراض بیلدیرگن.
پاکستان تشقی ایشلر وزیرلیگی، طالباندن پاکستان طالبان تحریکی بیلن علاقهلرینی اوزیشنی سۉرهگن.
شونینگدېک پاکستان تشقی ایشلر وزیرلیگی، طالبانگه افغانستان حدودیدن ترورچیلیک فعالیتلری اوچون فایدهلنیشیگه یۉل قۉییلمسلیگی اوچون کفالت بېریلیشی کېرهکلیگینی بیلدیرگن.
ایتیش کېرهک که سونگی کونلر ایچیده، پاکستان طالبان تحریکی بو مملکت حربی کوچلریگه قرشی هجوملرینی کۉپهیتیرگن. بو اېسه پاکستان حکومتینی جدی خواطریگه سبب بۉلدی.
اوشبو خواطرلر آرتیدن پاکستان باش وزیری شهباز شریف، طالباندن تنقید قیلدی همده پاکستان بو خصوصدهگی اعتراضی کېلهسی بیر هفته ایچیده، طالبانگه ییتکزیلیشی معلوم قیلینگن.
طالبان اېسه پاکستاننینگ بو خصوصدهگی اعتراضلرینی اۉرینسیز بیلهدی.
