افغانستان‌ده وای فای انترنت طالبان تامانیدن کېسیب قۉییلیشی کینگه‌ییب باریشی برابریده مناسبت‌لر دوام اېتر اېکن، افغانستان اقتدارلی عیاللری حرکتی بیر بیانات نشر قیلیب، بو قرارنی قاره‌لدی.
مذکور حرکت بیاناتیده تاکیدلنیشیچه، طالبان بو قراری یالغیز بیر تخنیکی چیکلاو اېمس، بلکه افغانستان خلقی اینقسه خاتین-قیزلرنی اطلاعات‌گه قۉل تاپیش، ایرکین علاقه و دنیا بیلن قوشیلیش اوچون بۉلگن دستلبکی حقلری‌دن محروم اېتیش دیر.
اقتدارلی عیاللر حرکتی، طالبان بو قراری‌دن کۉپراق خاتین-قیزلر زیان کۉریشینی بیلدیریب اعلام قیلیشیچه، انترنت افغانستان عیاللری اوچون دنیا بیلن علاقه قوریش، اۉقیش و مدنی تۉخته‌ش اوچون یالغیز وسیله دیر.
شونینگدېک اوشبو حرکت اۉز بیاناتیده، طالبان بو قراری برابریده قرشی توریش‌نی تاکیدلب، دنیانینگ اینگ کوچلی انترنت ترماغی ایگه‌سی بۉلمیش ایلان ماسک‌دن افغانستان خلقی‌گه انترنت‌گه قۉل تاپیش امکانیتی یره‌تیشینی سۉره‌گن.
ایتیش کېره‌ک که طالبان رهبری قراری اساسیده، حاضرگچه کمیده ۱۱ ولایتده وای فای انترنت کېسیب قۉییلگن.
طالبان بو قراری کۉپلب کسب ساحه‌لری کېله‌جگینی خواطرده قۉیگن.
