ویران بۉله‌یاتگن تاریخي آبده‌لر
آذربایجان‌نینگ ارمنستان تامانیدن اشغال بۉلینگن حدودیده‌گی تاریخي آبده‌لر، مسجد همده مدرسه‌لر خوف آستیده قالماقده. بو حقده آذربایجان یېتکیرمه‌سی خبر بېره‌دی.
خبرگزارلیک بونگه دلیل صفتیده بیر قطار فوتوصورتلرنی علاوه قیله‌دی. قید اېتیلیشیچه، فوتوصورتلر تاغلی قاره‌باغ، شونینگدېک، سد‌رک، زنگیلن، لاچین، کېلبجر، جبرییل تومنلری قیشلاقلریده آلینگن. فوتو صورتلردن شوشه قلعه‌سی، مشهور گوهر آغه مسجدی هم ضرر کۉرگنینی کوزه‌تیش ممکن.
اوّلراق آذربایجان تشقی ایشلر وزیرلیگی مطبوعات خدمتی رهبری حکمت حاجیوف ارمنستان اشغال قیلینگن حدودلرده اېکولوژی و اطراف-محیطگه ضرر یېتکزووچی اصوللرینی قۉله یاتگنی حقیده معلوم قیلگن اېدی.
قید اېتیلیشیچه، آذربایجان نینگ 890 مینگ هکتار حدودی علیحده محافظه اېتیله‌دیگن اېکالوگیک(محیط زیست) منطقه سنله دی. عینِ وقتده مذکور حدود نینگ 42997 هکتاری، جمله‌دن، 152 ته طبیعت یادگارلیگی، 5 ته جیولوجی ، 2 ته طبیعت قۉریق‌خانه‌سی، 4 ته قۉریقلش زونی و 7 ته کۉل اشغال آستیده دیر.
اېسلتیب اۉته‌میز، رسمي باکو تاغلی قاره‌باغ و اونگه توتش 7 ته تومن (آذربایجان حدودی نینگ 20 فایزی) 1989-1993 ییللرده ارمنستان قوراللی کوچلری تامانیدن باسیب آلینگن دېب حسابلیدی همده قۉشنی دولت حربيلری اشغال قیلینگن حدوددن چیقیشی لازملیگینی طلب قیله‌دی. ارمنستان اېسه تن آلینمه‌گن تاغلی قاره‌باغ جمهوریتی منفعتلرینی حمایه قیلیب کېله‌دی.
گرچه 1994 ییلده کېلیشوو امضالنگن بۉلسه-ده، تۉقنشوولر رۉی بېریب توره‌دی. تحلیل‌چیلر تینچلیک کېلیشووی جوده مۉرت اېکنی و ایستلگن پیت تۉقنشوو رۉی بېریشی ممکن لیگیدن خواطر بیلدیره‌دی.
رسمي باکوگه کۉره، تاغلی قاره‌باغ معماسی بیرلشگن ملتلر تشکلاتی خوفسیزلیک کېنگشی 1993 ییل 30 اپریل، 1993 ییل 29 جولای و 1993 ییل 14 آکتوبرده قبول قیلگن رېزالیوتسيه‌لر اساسیده تینچ یۉل بیلن حل قیلینیشی لازم.
س.سلیم
اۉگیرووچی: ز. س
