امریکا قوشمه ایالتلری‌نینگ جمهور باشلیغی دونالد ترامپ، ینه بیربار افغانستان‌نینگ «بگرام قونلغه‌سی» امریکا اختیاریده قۉییلیشی کېره‌ک دېب تاکیدلدی.
دونالد ترامپ اۉزی‌نینگ تروت سوشیال اجتماعی صحیفه‌سیده یازگن بیاناتیده، اوشبو قونلغه امریکا اختیاریده قۉییلمه‌گن تقدیرده، یامان عاقبت‌نی اۉرته‌گه آلیب کېلیشی ممکن‌لیگیدن آگاه‌لنتیردی.
دیمک بوندن ایلگری دونالد ترامپ، بگرام بَزه‌سی امریکا نظارتی‌گه اوتیشی اوچون طالبان بیلن سۉزلشوولر باشلنگنینی هم اَیتکن اېدی. بیراق حاضرگچه طالبان‌نینگ بو خصوصده‌گی قراری بیللی اېمس.
ایتیش کېره‌ک که امریکا جمهور باشلیغی‌نینگ بگرام خصوصیده‌گی قیزیقیشی کینگ مناسبت‌لرگه هم سبب بۉلماقده دیر.
ترامپ مذکور بَزه چین‌گه یقین بۉلگنی سبب اونگه قیزیققنینی معلوم قیلگن.
