طالبان‌نینگ مهاجرلر کمیسیونی تامانیدن نشر اېتیلگن معلومات‌گه کۉره، بیر کون ایچیده ۴ مینگ و ۹۳۹ مهاجر افغانستان‌گه قیتریلگن.
دیمک بو مهاجرلر ۹۶۳ عایله‌دن عبارت بۉلیب، ایران و پاکستان‌دن افغانستان‌گه قیتریلگن.
بو حقده نشر اېتیلگن معلومات‌گه کۉره، اوشبو مهاجرلردن ۱۱۰ عایله اسلام قلعه آرقه‌لی، ۳۱ عایله نیمروز آرقه‌لی، ۵۸۰ عایله اسپین بولدک و ۲۴۲ عایله اېسه تورخم چیگره‌سیر آرقه‌لی افغانستان‌گه قیتریلگن.
طالبان بو مهاجرلر ایران و پاکستان حکومت‌لری تامانیدن جبری چیقاریلیب، مملکت‌گه قیتریلگنینی معلوم قیلدی.
شونینگدېک طالبان نینگ مهاجرلر کمیسیونی بو حقده نشر قیلگن بیاناتیده، اوشبو مهاجرلردن کۉپینچه‌سیگه یاردم ترقه‌تیلگنینی هم معلوم قیلدی.
ایتیش کېره‌ک که ایران و پاکستان‌دن افغانستانلیک مهاجرلرنی چیقاریش جریانی، کینگ مقیاسده دوام اېتیب کېلماقده دیر.
اوشبو مقیاسده مهاجرلر افغانستان‌گه قیتریلیشی، مملکت‌ده اقتصادی باسیملرگه سبب بۉلگن.
