بیرلشکن ملتلر تشکیلاتی‌نینگ اوی-جای دستوری بیر بیانات نشر قیلیب، افغانستان‌گه قیتیب کېله‌یاتکن مهاجرلر کۉپینچه شهرلرده استقامت قیله‌یاتکنلریدن خبر بېردی.
بو دستورنینگ تاکیدلشیچه، قوشنی مملکتلردن کینگ کۉلمده جبری چیقاریلیب، افغانستان‌گه قیتیب کېله‌یاتکن مهاجرلردن کۉپینچه‌سی مملکت شهرلریده جایله‌شماقده دیر که بو مساله ایریم باسیملرگه سبب بۉلگن.
دیمک اوشبو وضعیت شهرلر اهالیسی کۉپه‌یشی و جدی معمالر بیلن بیرگه ترقه‌تیلیب تورگن آز شهری خذمت‌لرنی هم باسیم آستیده قۉییشی بیلدیریلگن.
اوی-جای دستوری «یشش جای‌لری خلق‌ارا کونی» مناسبتی بیلن نشر قیلگن بیاناتیده بو مساله‌نی اعلام قیلگن.
شونینگدېک مذکور دستور بو معماگه ییتیشیش اوچون شهرلر آست-قورمه‌لریگه کۉپراق سرمایه کېریتیلیشی و کۉپراق اهالی اوچون یشش شرایطی یره‌تیلیشی خصوصیده اعتبار قره‌تیلیشینی سۉره‌گن.
