طالبان صناعت و سودا وزیرلیگی بیر بیانات نشر قیلیب ادعا قیلیشیچه، بو وزیرلیک سرپرستی نورالدین عزیزی تورکیه‌نینگ استانبول شهریده اۉتکزیلیشی ریجه‌لشتیریلگن ایکو اقتصادی همکارلیکلر تشکیلاتی ییغینی‌ده چقیریلگن.
ایتیلیشیچه کابلده تورکیه ایلچیسی جنک اونال، طالبان صناعت و سودا وزیری بیلن اۉتکزگن اوچره‌شوویده، طالبان بو مقامی ایکو ییغینی‌ده اشتراک اېتیشی خصوصیده‌گی چقیروونی اعلام قیلگن.
دیمک ایکو اقتصادی همکارلیکلر تشکیلاتی وزیرلری بیشینچی دور ییغینی، میلادی جاری ییل‌نینگ ۲۴ – سیدن ۲۶ – سیگه قدر استانبول شهری میزبان‌لیگیده، اۉتکزیلیشی کوتیلهدی.
ایتیش کېره‌ک که طالبان حاضرگچه روسیه‌دن باشقه هیچ بیر مملکت تامانیدن رسمیت‌گه تَن آلینگن اېمس. شوندی بۉلسه هم بو حاکمیت وکیللری ایریم ییغین‌لرده اشتراک اېتگن.
