امریکا قوشمه ایالتلری‌نینگ جمهور باشلیغی، غزه اوروشی یکونلنیشی مقصدیده بۉلگن اینتیلیش‌‌لر یخشی ایلگری کېته‌یاتکنینی اعلام قیلدی.
ترامپ بو حقده بۉلگن ینگی بیاناتیده، سونگی بیر هفته دوامی‌ده حماس و بیر قنچه مملکتلر بیلن یخشی سۉزلشوولر اۉتکزیلگنینی بیلدیریب، بو سۉزلشوولر غزه‌ده تینچ‌لیک تامین‌لنیشی، اسیرلر آزاد اېتیلیشی شونینگدېک یقین شرقده‌گی تارتیشوولر یکونلنیشی‌گه سبب بۉلیشی‌گه امید بیلدیرگن.
امریکا جمهور باشلیغی‌گه کۉره، بو مذاکره‌لر کېله‌سی بیر هفته ایچیده غزه‌ده آتیش-کېسین برقرار اېتیلیشیگه سبب بۉلیشی ممکن دیر.
بو سۉزلر شوندی بیرحالده دیر که بوگون اسراییل و حماس وکیللری آره‌سیده تینچ‌لیک مذاکره‌سی باشلنیشی کوتیله‌دی.
مصرنینگ قاهره شهریده اۉتکزیلیشی قرار قیلینگن بو سۉزلشووده، غزه اوروشی یکونلنیشی و بو خصوصده بۉلگن دونالد ترامپ ریجهسی بحث اېتیله‌دی.
قاهره شهریده غزه تینچ‌لیک مذاکره‌لری شوندی بیرحالده باشلنماقده دیر که اسراییل‌نینگ غزه‌ده‌گی قانلی هجوملری دوام اېتیب تورگن.
