سمنگان ولایتیده طالبان خوفسیزلیک قومندان‌لیگی تامانیدن نشر اېتیلگن معلومات‌گه کۉره، بو ولایت‌نینگ دره‌صوف تومنی‌ده ترافیکی حادثه یوز بېرگن.
ایتیلیشیچه اوشبو واقعه نتیجه‌سیده، اوچ عیال و تۉرت ایرکک‌دن عبارت ۷ کیشی یرهلنگن.
واقعه بلخ ولایت مرکزی مزارشریف شهری‌دن دره‌صوف تومنی‌گه کېله‌یاتکن سراچه رسوملی موتر یۉلدن چیقیب کېتیشی نتیجه‌سیده یوز بېرگن.
ایتیلیشیچه هیداوچی‌نینگ دقت‌سیزلیگی بو واقعه یوز بېریشی‌گه سبب بۉلگن.
اوشبو واقعه، افغانستان تورلی حدودلریده ترافیکی حادثه‌لر سانی کۉپه‌ییب اهالی‌دن قربان‌لیک آله‌یاتکن بیر پیتده یوز بېرماقده دیر.
