هندوستان‌نینگ «هندو» ناملی یېتکیرمه‌سی تامانیدن نشر اېتیلگن خبرگه کۉره، طالبان تشقی ایشلر وزیری امیرخان متقی اېرته پنجشنبه کونی ۱۷ – میزان، بو مملکت‌گه سفر قیله‌دی.
دیمک یقین‌ده بیرلشکن ملتلر تشکیلاتی خوفسیزلیک کېنگشی، متقی‌گه بو سفری اوچون وقتینچه‌لیک رخصت بېرگن اېدی.
بو طالبان ییریک دیپلوماتی‌نینگ هندوستان‌گه بۉلگن ایلک سفری دیر که طالبان و پاکستان اۉرته‌سیده مناسبت‌لر یامان‌لشگنی آرتیدن عملگه آشیریلماقده.
بو حقده نشر اېتیلگن معلومات‌لرگه کۉره، متقی بیش کون‌لیک بیر سفر بیلن هندوستان‌ده بۉله‌دی و بو سفر دوامی‌ده هندوستان یوقاری مرتبه رسمی‌لری بیلن اوچره‌شیشی ریجه‌لشتیریلگن.
طالبان تشقی ایشلر وزیری‌نینگ بو سفری شوندی بیرحالده دیر که سونگی ییللرده کۉپلب مملکتلر، طالبان‌نی رسمیت‌گه تانیمه‌گن بۉلسه هم بیراق، بو حاکمیت بیلن مناسبت‌لرینی یخشی‌لشده اولگورماقده دیر.
