روسیه یېتکیرمه‌لری تامانیدن نشر اېتیلگن خبرلرگه کۉره، بو مملکت جمهور باشلیغی ولادیمیر پوتین، روسیه و اۉرته آسیا مملکتلری ییغینی‌ده، اشتراک اېتیش مقصدیده، تاجکستان‌گه تشریف بویوره‌دی.
اوشبو ییغین‌ده، روسیه جمهور باشلیغی‌گه علاوه، اۉزبېکستان جمهور باشلیغی شوکت میرضیایف، قزاقستان جمهور باشلیغی قاسم جومر توقایف، تاجکستان جمهور باشلیغی امام علی رحمان، قرغیزستان جمهور باشلیغی صدر جباروف و ترکمنستان جمهور باشلیغی سردار قلی بیردی محمدوف هم اشتراک اېتیشی کوتیله‌دی.
ایتیلیشیچه ییغین اېرته پنجشنبه کونی ۱۷ – میزان بۉلیب اۉته‌دی.
ییغین‌ده باشقه مساله‌لرگه قوشیمچه، افغانستان احوالی و بو مملکت‌دن بۉلگن ترورچیلیک تهدیدلری هم تیکشیریلیشی خبر قیلینماقده.
بو حقده نشر اېتیلگن معلومات‌لرگه کۉره، اوشبو ییغین اساسی موضوع‌سی منطقه‌ده ناتینچ‌لیک خواطرلری دیر.
ایتیش کېره‌ک که مذکور ییغین‌ده اشتراک اېتیشی کوتیله‌یاتکن مملکتلردن کۉپینچه‌سی طالبان بیلن یخشی مناسبت‌ده، بیراق شوندی بۉلسه هم بو مملکت کۉپلب مراتبه افغانستان‌دن بۉلگن ترورچیلیک تهدیدلریدن خواطر بیلدیرگن.
