افغانستان‌نینگ پایتختی کابل شهری اۉتگن کېچه بیر قنچه هجوملر گواهی بۉلدی و حاضرگچه بو هجوملر خصوصیده رسمی تفصیلات یۉق بیرحالده، هجوملر پاکستان تامانیدن اویوشتیریلگنی خبر قیلینماقده دیر.
شونینگدېک کابلده اویوشتیریلگن بو هجوم آرتیدن، افغانستان‌نینگ پکتیکا ولایتیده هم هوایی هجوملر اویوشتیریلگنی خصوصیده خبر بېریلماقده دیر.
اوشبو هجوم پکتیکا ولایتی‌نینگ برمل تومنی‌ده، اۉتگن کېچه کمیده ایکی ساعت کابلده اویوشتیریلگن هجومدن کېین اویوشتیریلگن.
حاضرگچه بو هجوم حقیده هم تۉلیق و رسمی تفصیلات بېریلگن اېمس.
پاکستان تامانیدن اویوشتیریلگنی ادعا قیلینگن بو هجوملر، بیر قنچه مناسبت‌لرنی هم اۉرته‌گه آلیب کېلماقده.
افغانستان سابق حکومتی‌ده تشقی ایشلر وزیرلیگی همده ملی خوفسیزلیک کېنگشی مصلحتچیسی کبی ییریک لوازملرده ایشله‌گن رنگین دادفر اسپنتا همده افغانستان‌نینگ بیرلشکن ملتلر تشکیلاتیده‌گی نماینده‌لیگی سرپستی نصیراحمد فایق بو خصوصده مناسبت بیلدیرگن.
بو جمله‌دن سپنتا اۉزی‌نینگ ایکس صحیفه‌سیده یازیشیچه، پاکستان و هندوستان افغانستان‌ده اۉزلری اوچون نیابتی گروه توزاتیشگه اولگورماقده دیر.
