بیرلشکن ملتلر تشکیلاتی‌نینگ باله‌لرنی حمایه‌لش صندیغی یا ده «یونسف» بوگون شنبه ۱۹ – میزان نشر قیلگن بیاناتیده، افغانستان‌نینگ تعلیم تیزیمی‌ده‌گی معمالردن خواطر بیلدیرگن.
یونیسف تشکیلاتی‌نینگ تاکیدلشیچه، افغانستان‌نینگ تعلیم تیزیمی کتته معمالر بیلن دوچ دیر.
شونینگدېک یونیسف بو تیزیم‌نی قیته قوریش اوچون شرایط هم بارلیگینی اعلام قیلگن.
بیرلشکن ملتلر تشکیلاتی بو اداره‌سی‌نینگ تاکیدلشیچه، آلتینچی صنف‌دن یوقاری قیزلر برابریده‌گی اۉقیش چیکلاولری بیکار قیلینیشی و دستلبکی اۉقیش صفتی اوستیده سرمایه یاتقیزیش بیلن بو معمالرگه ییچیم تاپیش ممکن دیر.
دېیرلی یونیسف تشکیلاتی، افغانستان‌نینگ قیز و اۉغیل باله‌لریگه اۉقیش زمینه‌سی یره‌تیلیشینی سۉره‌گن.
ایتیش کېره‌ک که طالبان تنقیدلرگه تَن بېرمه‌ی، قیزلرنی اۉقیش‌دن محرومیت‌گه سقلب کېلماقده دیر.
بونگه قوشیمچه، طالبان افغانستان حاکمیتی‌گه قیتیشی بیلن تعلیم تیزیمی‌نینگ صفتی هم جدی بیرحالده آزه‌یگن.
