اسپانیانینگ مادرید شهریده اۉتکزیلگن افغانستان عیاللری خلق محکمه‌سی‌نینگ مجلسی اۉتگن کون جمعه ۱۸ – میزان یکونلندی.
اوشبو مجلس یکونی‌ده نشر اېتیلگن بیانات‌گه کۉره، طالبان‌نینگ خاتین-قیزلرگه نسبتن چیکلاولری و باسیملری قاره‌لنگن.
خلق محکمه‌سی اۉزی‌نینگ بیاناتیده، مجلس‌ده اشتراک اېتیب گواه‌لیک بېرگن عیاللر سۉزلریگه اساسلنیب، طالبان‌نینگ عیاللرگه نسبتن یانده‌شوولری تیزیملی روشده عیاللرنی کم‌سیتیش دېب تاکیدلنگن.
شونینگدېک بو محکمه، طالبان‌نینگ عیب‌لنگن یوقاری مرتبه‌لی رسمی‌لری اۉزلرینی حمایه‌لش امکانیتی‌گه ایگه بۉلگنینی بیلدیریب، بیراق طالبان بو امکانیت‌دن فایدهلنمهگن دېب معلوم قیلدی.
طالبان حاضرگچه بو مجلس خصوصیده بیران مناسبت بیلدیرگن اېمس.
ایتیش کېره‌ک که مذکور مجلس ۱۶ – میزبان کونی باشلنیب ۱۸ – میزان‌گچه دوام اېتدی.
مجلس‌ده اۉنلب عیال و انسان حقلری فعاللری اشتراک اېتیب، طالبان چیکلاولری و باسیملریدن شکایت قیلدی‌لر.
افغانستان عیاللری خلق محکمه‌سی بو مجلسی‌نینگ قراری ایکی آی‌دن کېین نشر اېتیلیشی کوتیله‌دی.
