سمنگان ولایتیده طالبان محلی رسمی‌لری تامانیدن نشر اېتیلگن معلومات‌لرگه کۉره، بو ولایتده ۳۳ یاشر بیر کیشی اۉزی‌نینگ ۱۳ یاشر اۉغیل باله‌سینی اۉلدیریش‌ده عیب‌لنیب، حبسگه آلینگن.
طالبان بو شخصنی، سمنگان ولایتی تاشقرغان تومنی‌نینگ «سبزه بولاق» حدودیدن حبسگه آلگن.
ایتیلیشیچه سمنگان ولایتی حضرت‌سلطان تومنی یشاوچیسی بۉلمیش بو کیشی، بوندن ۱۵ کون ایلگری عایله‌وی جنجللر باعث، اویی‌نی ترک اېتیب، اۉغلی بیلن بیرگه تاققه کېتگن اېکن که شو ییرده اۉغلینی اۉلدیره‌دی.
طالبان محلی رسمی‌لری، بو کیشی اۉز اۉغلینی اۉلدیرگنینی تَن آلیب، عایله‌وی جنجللر باعث بو ایش‌گه قۉل اۉرگنینی بیلدیرگن.
ایتیش کېره‌ک که سونگی وقتلرده، افغانستان تورلی حدودلریده جنایی جرملر سانی کۉپهیماقده دیر.
