بدخشان ولایتی‌دن محلی منبع‌لر خبرلریگه کۉره، بو ولایت‌نینگ یاوان تومنی‌ده محلی طالب‌لر بیلن هلمند و قندهاردن کېلگن طالب‌لر اۉرته‌سیده تۉقنه‌شوو یوز بېرگن.
ایتیلیشیچه آلتین کانی اوستیده یوز بېرگن اوشبو تۉقنه‌شوو نتیجه‌سیده هلمند و قندهارلیک طالبان اعضالری‌دن، ۹ کیشی جان بېرگن و بدخشان‌لیک طالب‌لردن هم ایکی کیشی جان بېرگن.
بو تۉقنه‌شوودن نشر اېتیلگن ویدیولرده، بدخشان‌لیک طالب‌لر هلمند و قندهاردن کېلگن طالبان اعضالرینی اولرگه قرشی قورال ایشله‌تیشده عیب‌لب، والی و خوفسیزلیک قومندان حمایه‌سی آستیده بۉلگن بو طالبان اعضالرینی ظلم‌لریدن شکایت قیله‌دیلر.
ایتیلیشیچه واقعه‌ده جان بېرگنلر آره‌سیده، یاوان اولسواللیگیده طالبان‌نینگ ترافیکی مسوولی همده حقوقی مساله‌لر بۉییچه مسوولی هم بار دیر.
حاضرگچه طالبان بو حقده بیران تفصیلات بېرگن اېمس.
