خوست ولایتی‌ده‌گی محلی منبع‌لر تامانیدن بېریلگن معلومات‌لرگه اساسلنیب نشر اېتیلگن خبرلرگه کۉره، بو ولایتده ینه بیربار طالبان و پاکستان چیگره کوچلری اۉرته‌سیده تۉقنه‌شوو یوز بېرگن.
ایتیلیشیچه ایکی تامان چیگره کوچلری آره‌سیده تۉقنه‌شوو، بوگون آقشم سه‌شنبه ۲۲ – میزان باشلنگن و هلی هم دوام اېتماقده دیر.
اوشبو تۉقنه‌شوولر خوست ولایتی‌نینگ زازی میدان تومنی‌ده واقع چیگره حدودلرده باشلنگن. طالبان و پاکستان رسمی‌لری حاضرگچه بو تۉقنه‌شوو حقیده معلومات بېرگن اېمس.
اوشبو واقعه شوندی بیرحالده یوز بېرماقده دیر که بوندن ایلگری، پاکستان مدافعه وزیری خواجه آصف، چیگره حدودلرده اوروش قیته باشلنیشی ممکن دېب اعلام قیلگن اېدی.
ایتیش کېره‌ک که پاکستان و طالبان چیگره کوچلری اۉرته‌سیده سونگی کونلر ایچیده جدی تۉقنه‌شوو یوز بېردی.
دیمک بو تۉقنه‌شوولر طالبان و پاکستان مناسبت‌لری یامانلشگن بیرحالده یوز بېرماقده دیر.
