هندوستان تشقی ایشلر وزیرلیگی سه‌شنبه کونی ۲۹ –نچی میزان، اعلام قیلگن بیاناتیگه کۉره، بو مملکت‌نینگ کابلده‌گی دیپلوماتیک حضوری، ایلچی‌لیک درجه‌سیگه کوتاریلگن.
هندوستان تشقی ایشلر وزیرلیگی بیاناتیده، بو حقده آلینگن قرار تیزلیک بیلن عملگه آشیریلیشینی هم معلوم قیلیندی.
دېیرلی بو قرار، هندوستان و طالبان مناسبت‌لری یخشی‌لنیشی آرتیدن آلینماقده دیر که اوشبو مناسبت دایره‌سیده، هندوستان اۉتگن هفته دوامی‌ده طالبان تشقی ایشلر وزیری امیرخان متقی‌نی کوتیب آلدی.
امیرخان متقی‌نی هندوستان‌گه بۉلگن اوشبو سفری دوامی‌ده، هندوستان رسمیلری کابل بیلن دیپلوماتیک مناسبت‌لرینی ایلچی‌لیک درجه‌سیگه کوتاریشلرینی وعده بېرگن اېدی.
هندوستان شوندی بیرحالده بو خصوصده قرار آلماقده دیر که طالبان حاکمیتگه قیتگنیدن کېین، دنیا کۉپلب ممکلتلری افغانستانده‌گی دیپلوماتیک حضورلرینی تۉخته‌تیب قویگن و شو سبب کابلده کۉپلب ایلچیخانهلر اۉتگن تۉرت ییل دوامی‌ده یاپیق قالیب کېلماقده دیر.
طالبان بو تۉرت ییل دوامی‌ده کۉپلب اولگوریشی بیلن حاضرگچه یالغیز روسیه تامانیدن رسمیتگه تَن آلینگن و بونگه قوشیمچه کۉپلب مملکتلر کابلده ایلچیخانهلرینی آچیلیشیگه هم تیار بۉلمه‌گن.
طالبان و هندوستان مناسبت‌لری شوندی بیرحالده یخشیلنماقده دیر که بو تامانده، طالبان‌نینگ پاکستان بیلن مناسبت‌لری کیسکین یامانلشگن بۉلیب، ایکی تامان اۉرته‌سیده قانلی تۉقنه‌شوولر یوز بېردی.
