افغانستان و اۉزبېکستان مملکتلری‌نینگ تورلی حدودلری، اۉتگن کېچه زلزله یوز بېریشی گواهی بۉلدی.
افغانستان‌ده یوز بېرگن زلزله، بو مملکت‌نینگ پایتختی کابل شهریگه قوشیمچه، شرقی حدودلر اینقسه کنر ولایتیده سیزیلگنی معلوم قیلیندی.
دیمک اوشبو زلزله اۉتگن کېچه، ساعت ۱۱ یقین‌لریده یوز بېرگن.
عینی حالده، اۉزبېکستان یېتکیرمه‌لری افغانستان‌ده زلزله یوز بېریشی بیلن بیرگه بو مملکت تورلی حدودلریده هم زلزله سیزیلگنیدن خبر بېردی‌لر.
بو حقده نشر اېتیلگن خبرلرگه کۉره، زلزله اۉزبېکستان‌نینگ سرخان دریا، فرغانه، سیردریا، اندیجان، جیزخ، سمرقند، نمنگان، قشقه دریا و تاشکینت ولایتلریده سیزیلگن.
حاضرگچه افغانستان و اۉزبېکستان‌ده یوز بېرگن زلزله نتیجه‌سیده، جانی قربانلیکلر اۉرته‌گه کېلگنی معلوم قیلینگن اېمس.
ایتیش کېره‌ک که اوشبو زلزله، افغانستان شرقی حدودلریده یوز بېرگن اۉلیملی زلزله‌دن کېین یوز بېرماقده دیر که بوندن ایلگری اوشبو حدودلرده یوز بېرگن زلزله نتیجه‌سیده مینگلب کیشی اۉلیب و یره‌لنگن اېدی.
