ایران ایچکی ایشلر وزیرلیگی‌نینگ چېت اېللیک وطنداشلر و مهاجرلر ایشلری مرکزی باشلیغی، نادر احمدی‌نینگ ایتیشیچه، جاری قویاش ییلی‌نینگ بیرینچی آلتی آییده ۱ میلیون و ۴۵۰ مینگ افغانستانلیک مهاجری اوشبو مملکتدن چیقریلیب یوباریلگن.
ایران اخبارات یېتکیرمه‌لری‌نینگ خبر بېریشیچه، بوگون ۱-عقرب، افغان مهاجرلرینی چیقریشی جریانی حلی هم دوام اېتماقده و یقین کیله‌جکده شونچه مقدارده مهاجر ینه چیقریب یوباریلیشی رېجه‌لشتیریلگن.
ایران‌نینگ چېت اېللیک وطنداشلر و مهاجرلر ایشلری مرکزی رییسی قۉشیمچه قیلیب ایتیشیچه، حاضرده بو مملکتده ۴٫۵ میلیون قانونی و ناقانونی افغانستانلیک مهاجر یشه‌ماقده.
اونینگ کۉپیتیریشیچه، افغانستانلیک و ایران‌لیک اېرککلر همده عیاللر اۉرته‌سیده ۸۰ مینگ‌ته نکاح رسمی‌لشتیریلگنینی، اولرنینگ فرزندلری بیلن بیرگه‌لیکده تخمیناً ۲۵۰ مینگ کیشیلیک اهالینی تشکیل اېتیشینی معلوم قیلگن.
بوندن آلدین، طالبان عملدارلری هم بو ییل ایران تامانیدن تخمیناً ۱ میلیون ۸۰۰ مینگ افغان مهاجرلرنی چیقریب یوباریلگنینی بیلدیرگن اېدیلر.
