سرپل ولایتی سانچارک تومنی‌ده واقع «تبر» قیشلاغی اهالیسی طنطنه‌لی بیر احتفال اۉتکزیب، ۲۹ – میزان اۉزبېک تیلی ملی کونی‌دن نشانله‌دیلر.
اوشبو احتفالده، سرپل تورلی حدودلریدن بۉلگن فعاللر، یاش-ییگیت‌لر، شاعر و یازووچیلر همده اهالی کینگ اشتراک قیلیب، اۉزبېک تیلی بیره‌مینی تجلیل قیلگن.
احتفالده نطق سۉزله‌گن فعاللر و دین عالملری، اۉزبېک تیلی اۉرنی و اهمیتی حقیده صحبت قیلگنلر.
شونینگدېک احتفالده، اۉزبېک تیلی‌ده بۉلگن شعر و مقاله‌لر هم فعاللر و اشتراکچیلر تامانیدن اۉقیلیشی نظرده توتیلگن.
احتفال دایرهسیده اۉزبېک مدنیتیگه تېگیشلی ایدیش‌لر، بویوملر و قالین و گیلم همده طعاملر و کتابلر کۉرگزمه‌سی هم دایر بۉلگن.
بو حقده نشر اېتیلگن معلومات اساسیده، تبر قیشلاغیده واقع تورکستان فوتسال میدانی میزبان‌لیگیده، سرپل ولایتی تورلی حدودلریدن بۉلگن جماعه‌لر اۉرته‌سیده «تیل بیره‌می مناسبتی بیلن تورنمنت» هم یۉلگه قۉییلگن.
