جوزجان ولایتی‌دن ایشانچ‌لی اوچ منبع اۉزبېک تی‌وی گه تصدیق‌لشیچه، بو ولایت مرکزی شبرغان شهریده‌گی مارشال عبدالرشید دوستم و جنرال عبدالحکیم نامی‌ده بۉلگن، مکتب‌لرنی آتی اوچیریلیشی خصوصیده سعی‌وحرکتلر اېتیلگن.
منبع‌لر معلوماتی اساسیده، ناتانیش شخص‌لر یریم کېچه‌سی کېلیب، مکتبلر لوحه‌سیگه رنگ ساچیب، اوچیریش اوچون اولگورگن. شونینگدېک مکتب قراوولریدن بیری هم شو مقصد بیلن مکتب‌گه هجوم قیلگن شخص‌لر تامانیدن کلتک‌لنگن.
منبع‌لردن بیری اۉزبېک تی‌وی گه بوحقده شوندی یازگن “ شبرغانده ایکی مکتب بیرته‌سی جنرال عبدالحیکم و ایکینچی‌سی الحاج عبدالرشید دوستم مکتبی نینگ آتلری اوزگرتیریلیش ریجه قیلینگن. منه شو ریجه اساسیده کیچه تماندن ناتنیش کیشیلر کیلیب ، آت یازیلگن لوحه‌لرنی اوستیگه بویاق سورتیب کیتگنلر. اوندن تشقری کیچه قاله‌دیگن قرااوولنی هم کلتکلب قویگنلر.”
حاضرگچه بو ایش کېم تامانیدن و نیمه مقصد بیلن بجریلگنی بیللی اېمس. شونینگدېک طالبان و افغانستان ملی اسلامی جنبش حزبی هم بو حقده هیچ قنده‌ی بیران مناسبت بیلدیرگن اېمس.
ایتیش کېره‌ک که افغانستان ملی اسلامی جنبش حزبی‌نینگ رهبری مارشال عبدالرشید دوستم همده تانیقلی اۉزبېک حربی‌لردن عبدالحکیم نامی‌ده بۉلگن بو مکتبلر اوزاق ییللردن بیری فعالیت قیلیب کېلماقده دیر.
