امریکا قوشمه ایالتلری‌نینگ جمهور باشلیغی دونالد ترامپ، آسیاگه بۉلگن سفری دوامی‌ده مالیزیا مملکتیده اۉتکزگن خبری ییغینیده، افغانستان و پاکستان اۉرته‌سیده‌گی سونگی تارتیشوولر خصوصیده هم فکر بیلدیرگن.
بو حقده نشر اېتیلگن خبرلرگه کۉره، ترامپ اوشبو ماجرالرنی حل قیلیش‌نی خواهله‌یاتکنینی معلوم قیلگن.
امریکا جمهور باشلیغی بو حقده آرتیق‌لشیچه “ایشانچیم کامل که بیز بو مساله‌نی تیزلیکده حل قیله‌میز.”
دېیرلی دونالد ترامپ بو مساله‌نی آسیاگه بۉلگن سفری چاغی‌ده تیلگه آلگن و امریکا دولت رهبری اوشبو سفر دایره‌سیده، بوگون اېرته‌لب مالیزیاگه ییتیب باریب، بو مملکت رسمی‌لری تامانیدن کوتیب آلیندی.
ایتیش کېره‌ک که طالبان و پاکستان مناسبت‌لری سونگی وقتلرده یامانلشیب، جدی تۉقنه‌شوولرگه سبب بۉلگن اېدی. اوشبو تۉقنه‌شوولر آرتیدن ایکی تامان دوحه‌ده اۉتکزیلگن مذاکره نتیجه‌سیده کېلیشوو امضالدی.
شونینگدېک طالبان و پاکستان رسمی‌لری، بو کېلیشوو عملگه آشیریلیشی مقصدیده تورکیه‌ده هم اوچره‌شوو اۉتکزگن.
بو اوچره‌شوو شوندی بیرحالده دیر که ایریم خبرلر اساسیده، پاکستان مدافعه وزیری خواجه آصف، طالبان بیلن مذاکره ایجابی نتیجه بېرمه‌گن تقدیرده، آچیق اوروش باشلنیشی‌دن آگاه‌لنتیرگن.
