طالباننینگ صناعت و سودا وزیرلیگی بوگون سهشنبه ۶ – عقرب نشر قیلگن بیاناتیده، قزاقستاننینگ شیمکنت شهریده، افغانستانلیک محصولاتلر کۉرگزمهسی آچیلگنیدن خبر بېردی.
اوشبو کۉرگزمه طالبان صناعت و سودا وزیری نورالدین عزیزی و قزاقستان باش وزیری اۉرین باسری و اقتصادیات وزیری ژومانگارین همده بو مملکت باشقه بیر قنچه رسمیلری حضوریده آچیلگن.
طالبان صناعت و سودا وزیرلیگی، اوشبو کۉرگزمه جاری میلادی آینینگ ۳۰ – سیگه قدر دوام اېتیشینی معلوم قیلگن.
ایتیلیشیچه بو کۉرگزمهده، افغانستاننینگ اۉنلب کمپنیهسی اشتراک اېتیب محصولاتلرینی نمایشگه قۉیگن.
ایتیش کېرهک که قزاقستان و طالبان، کۉرگزمهلر اۉتکزیش بیلن اۉز-ارا اقتصادی علاقهلرنی کوچهیتیریشده اولگورماقده دیر و شو اساسده بوندن ایلگری، کابل میزبانلیگیده هم قزاقستان محصولاتلری کۉرگزمهسی اۉتکزیلگن اېدی.
