افغانستان‌نینگ سابق رئیسی حامد کرزی مملکت‌نینگ یاشلر ملی فوتسال جماعه‌سی‌نینگ ۲۰۲۵ ییلگی آسیا مسابقه سیده‌گی غلبه‌سینی “کته شرف” دېب، اوشبو جماعه فوتبالچی‌لرینی قدرله‌دی.
کرزی، بوگون جمعه ۹ – عقرب، اۉزی‌نینگ ایکس صحیفه‌سیده ترقتگن خبری‌گه اوشبو غلبه‌نی مهم یوتوق صفتیده بهالب، یاشلر ملی فوتسال جماعه‌سینی و افغانستان خلقی‌گه قوتلوغ بۉلسین دېب ایتگن.
افغانستان ۱۷ یاشگچه بۉلگن فوتسال جماعه‌سی پنجشنبه کونی ۲۰۲۵ ییلگی آسیا اۉیینلری فینالی‌ده ایران‌نی ۲-۱ حسابیده مغلوب قیلیب، اوشبو تور سپورت‌نینگ قهرمانی بۉلدی
اوشبو غلبه‌دن سۉنگ بوتون مملکت بۉیلب قووانچ و کوتیب آلیش تۉلقینی یوزه‌گه کېلدی، اجتماعی ترماقلر فایده‌لنووچیلری اېسه افغان فوتبالچی‌لری‌نینگ یارقین چیقیشینی نشانشلدی.
افغانستان اوشبو مسابقه‌ده عجایب اۉیین نمایش اېتیب، گروه باسقیچلریدن اۉتیب، یریم فینالده تایلندنی ۹-۱ حسابیده مغلوب اېتدی و فینال اۉیینیده هم ایران‌نی ایشانچلی طرزده یېنگدی.
