طالبان‌نینگ عیاللرگه نسبتن چیکلاولری دوام اېتر اېکن، بو حاکمیت اېندی‌لیکده یوزلری بُرقع بیلن یاپیلمه‌گن خاتین-قیزلرگه دولت اداره‌لریگه کېریش اوچون رخصتی بېریلمس‌لیگیگه قرار قیلگنی خبر قیلیندی.
بو حقده نشر اېتیلگن خبرلرگه کۉره، طالبان دولت اداره‌لریگه مراجعت قیلگن بیر قنچه عیال‌نی، اوشبو چیکلاو نظرده توتیلمهگنلیکده عیب‌لب، اداره‌لرگه کېریش اوچون رخصت بېرمهگن.
هشت‌صبح کونده‌لیگی اۉز منبع‌لری معلوماتیگه اساسلنیب خبر بېریشیچه، بو چیکلاو طالبان تورلی ادارهلری اینقسه، احصاییه و معلومات، معارف وزیرلیگی و قماقخانه‌لر اداره‌سیده عملگه آشیریلگن.
خبرگه کۉره، هرات ولایتیده کمیده ۵۰ عیال خودی شو چیکلاو سبب معارف ریاستیگه کېریشی آلدی آلینگن.
ایتیش کېره‌ک که حاضرگچه طالبان بو چیکلاو حقیده تۉلیق تفصیلات بېرگن اېمس.
